• dnash43

Lëtzebuergesch an Amerikanesch Kichen— Eng Mëschung



Ech war just dräi Joer al wéi meng Famill an Amerika geplennert sinn. Déi éischt puer Joer hu mir ganz “Lëtzebuergesch”giess. Dat heescht datt et moies fir Kaffi Wurscht, Kéis , Brout, vläicht e bësse Musli, asw ginn ass.

Wéi ech an d’Schoul gaangen sinn, hunn ech Schmiere mat Wurscht oder Kéis matbruecht, an d’aner Kanner hu “peanut butter and jelly”Schmiere giess . D’Kanner sinn net ëmmer ganz manéierlech, a si hunn iwwer mäin Iessen de Geck gemaach. Ech hu geduecht datt ech anescht wär, an dat war woer.

Wéi mir méi laang an Amerika gewunnt hunn, ass mäi Goût changéiert. D’ zwou Kulture gi lues a lues méi zesumme gemëscht. Dunn hunn ech franséischt Brout mat Baloney giess, mee keng “peanut butter and jelly” Schmier .

Ech ka mech erënneren wéi ech eng Kéier e Glas “Peanut butter” an der Kiche fonnt hunn. Ech weess guer net wéi et an d’ Haus komm ass, mee do war et. Ech hunn et opgemaach an et war esou al an dréchen, datt et grouss Baschten hat.

Mee, wat onbedéngt onpatriotesch war, war wéi ech fir d’ éischte Kéier Catsup op meng Spigeleeër gemaach hunn. Meng Mamm huet gesot “oh Michèle, wat méchs du do!?” Also, an där Minutt mengen ech datt ech op eemol eng effektiv Amerikanerin gi sinn.


Michele 6/3/22

2 views0 comments

Recent Posts

See All